Den Horoskop vum Eldo seet iech är Woch viraus dat mam passende Sound!

Widder

Beck - Loser

Bei de Widderen ass dës Woch de Wuerm dran, a se hunn d'Gefill net nozekommen. Dat demotivéiert, mee loosst de Kapp net ze vill hänken.

Stéier

Fools Garden - Lemon Tree

D'Stéiere fueren des Woch ganz nom Prinzip: wann d'Liewen ze sauer ass, da maachen ech mer et séiss!

Zwilling

Vanilla Ice - Ice, Ice Baby

D'Zwillingen behalen des Woch net nëmmen ee killen, mee souguer äiskale Kapp. Elo musst der just déi richteg Decisiounen treffen.

Kriibs

Take That - Back For Good

D'Kriibse mussen des Woch fréier Feeler nees gutt maachen. D'Venus hëlleft Iech déi richteg Wierder ze fannen.

Léiw

Christina Aguilera - Genie In A Bottle

D'Léiwe fille sech agespaart. Dobäi steet hinnen déi grouss Welt op, wa se sech nëmmen trauen.

Jongfra

Inner Circle - Sweat

Bei de Jongfraen ass et net nëmmen dobausse waarm. Och am Bett klammen d'Temperaturen des Woch non-stop.

Wo

Dr. Alban - It's My Life

Iech geet et eigentlech aktuell ganz gutt an ärem Liewen. Dofir loosst dir Iech och net vu "gudde Rotschlei" aus der Rou bréngen.

Skorpioun

Natalie Imbruglia - Torn

D'Skorpioune sinn dës Woch hin an hier gerappt. Entscheed Iech léiwer, soss riskéiert der héich ze verléieren.

Schütze

Britney Spears - Oops I Did It Again

D'Schütze sinn des Woch richteg Tollpatschen. Alles wat schif goe kann, geet och sécher schif. Evitéiert besser schaarf Géigestänn.

Steebock

Spice Girls - Wannabe

D'Steebéck beweisen hiren décke Kapp. Si wësse genee wat se wëllen, a virun allem wéi se et erreechen. Aus dem Wee alleguer!

Waassermann

Salt'N'Pepa - Let's Talk About Sex

Bei de Waassermänner muss des Woch emol Kloertext geschwat ginn. Éierlechkeet bréngt iech nämlech am meeschte Freed an d'Haus.

Fësch

MC Hammer - U Can't Touch This

D'Fësch brauchen des Woch hire Fräiraum. Kommt hinne leiwer net ongefrot ze no.