All Samschden Owend vun 20h00 bis 23h00.

Vill ze laang sinn eis Féiss roueg an net an den Discoen am Gaangen op déi bescht elektronesch Musek ze danzen. Dofir steet vun elo un den DJ Se7en nees hannert dëm Mëschpult! Leider net an der Disco mee dofir awer am Eldo-Studio! Hei gitt dir all Samsden op der Antenne mat der beschter an neister Musek versuergt.

Schmäisst iech also an de Look, oder och net, a gitt alles! Den DJ Se7en bréngt iech a Party-Stëmmung ier der owes weider zitt, wärend der den Apéro genéisst oder och wann der einfach doheem fir iech eleng feiere wëllt. Dëst ënnert dem Motto:

Se7en Till Eleven – all Samschden Owend vun 20h00 bis 23h00 op Eldoradio.

Der kennt eisen DJ Se7en souwuel vun de Partyen hei am Land wéi natierlech och un der Säit vun eisem Event-Navigator. Elo ass et dann Zäit de Se7en eleng hannert d’Mëschpult am Studio ze schécken. Wat dobäi eraus kënnt? 3 Stonne laang beschte Party-Feeling! All Samschden Owend komme vun elo un nëmmen déi neiste Beats a wichtegst Partytrends! Egal wou der sidd, ass zesumme mam DJ Se7en in the Mix also Party-Feeling garantéiert.