No zwee Joer ass Avatar erëm den erfollegräichste Film vun allen Zäiten.

10 Joer laang, vun 2009 bis 2019, war Avatar den erfollegräichste Film vun allen Zäiten.

Dono koum Avengers-Endgame. Et war dee Blockbuster, deen de Film vum James Cameron vun der éischter Plaz verdrängt huet.

Ma elo ganz rezent steet Avatar erëm un der Spëtzepositioun. De Grond ass Covid-19. Well vill Filmer verréckelt goufen, weise vill Kinoen (och hei zu Lëtzebuerg) eeler Klassiker. Sou och a China wou elo an de leschte Wochen erëm de Film Avatar gewise gouf. Sou sinn also nees e puer Milliounen Dollar dobäikomm, déi dem Film Avatar op e Neits zu der éischter Plaz verhollef hunn.

Op Twitter gouf dowéinst och fläisseg gratuléiert.