Eldo.lu - Kino News: Disney verréckelt Blockbuster

Op Avatar 3 an Avengers mussen Disney Fans nach e bësse méi laang waarden.

Nodeems Avatar - the Way of Water schonn am Dezember 2022 an den Kino komm ass, ass de Film lo och zënter dem 7. Juni endlech op Disney+ ze fannen. Op Twitter schreift de Producer Jon Landau, dass déi nächst Avatar-Filmer méi Zäit wéi ursprénglech geplangt bei der Entwécklung brauche wäerten.

E spezifeschen Grond huet Disney net genannt. Avatar 3, deen am Dezember 2024 sollt erauskommen, ass op 1 Joer verréckelt ginn. Dat bedeit, dass souwuel Avatar 4 an Avatar 5 eréischt 2029, respektiv 2031 an d’Kinoe kommen. De leschten Deel wäert also eréischt 22 Joer nom Éischte verëffentlecht ginn.

Betraff nieft den Avatar-Filmer sinn och Star Wars an de Marvel Universum. Ënnert anerem de Film Avengers: Kang Dynasty, deen elo amplaz vun 2025 eréischt am Mee 2026 erauskomme soll.

Each Avatar film is an exciting but epic undertaking that takes time to bring to the quality level we as filmmakers strive for and audiences have come to expect. The team is hard at work and can’t wait to bring audiences back to Pandora in December 2025. pic.twitter.com/DrFX01qzTa
— Jon Landau (@jonlandau) June 13, 2023

Avatar – The Way of Water war e groussen Erfolleg, virun allem optesch. Leider brauch esou eng Qualitéit och Zäit. D’Filmproduzente schaffen haart dorunner, dass déi nächst Avatar-Filmer den Erwaardungen vun de Fans gerecht ginn. Dobäi kënnt, dass an den USA Dréibuch-Auteuren nach ëmmer streiken. Ouni Dréibuch kann een numol keng Filmer produzéieren. Mir sinn awer voller Virfreed zeréck an d’Welt vu Pandora anzetauchen.