© Philipp Kratzer
E Freide goufen déi éischt grouss Headliner um Line-Up vum Southside an Hurricane Festival bestätegt!
Vum 21. bis den 23. Juni 2024 kann een op den Zwillingsfestivals zu Scheeßel an Neuhausen ob Eck déi véier Top-Acts Ed Sheeran, K.I.Z, Bring Me The Horizon an Avril Lavigne live erliewen. Nach besser: Dräi vun de véier Acts kann ee soss op kengen anere Festivals an Däitschland erliewen. Den Ed Sheeran spillt eng exklusiv Festival-Show, K.I.Z an d'Avril Lavigne spillen esouguer exklusiv Däitschland-Shows. Weider Acts sollen a kuerzer Zäit bekannt ginn.
All Joers kommen iwwer 60.000 Visiteur*innen op de Southside Festival zu Neuhausen ob Eck (Baden-Württemberg). Den Hurricane Festival zu Scheeßel (Niedersachsen) huet esouguer eng Capacitéit vun iwwer 80.000 Persounen. Tickete fir 2024 kritt ee vun 239€ (Hurricane), respektiv 259€ (Southside) un.