Wéi d'Leit zu Lëtzebuerg am Stau: Se wësse wou se hi wëllen, sinn awer nach net ukomm. Dat sinn d’Catherine Nothum, d’Sarah Raparoli an d’Lynn Warken. 3 Fraen, déi déi nämmlecht Sprooch schwätzen an awer zimmlech verschidde sinn

- oder besser gesot "Keck!", de Podcast, deen iech an ärem Liewe gefeelt huet. Fir Iessen a Gedrénks suerge mer net, soss gëtt awer alles mat iech gedeelt. #nofucksgiven

Zweemol de Mount hei op eldo.lu an all de bekannte Podcast-Plattformen!

Episod 18 - Nenn d'Kand beim Numm!
(Enn September 2020)

An där heiten Episod gëtt blank gezunn, an dat huet rechtlech Konsequenzen - net esou wéi Catcalling zu Lëtzebuerg. Dozou hu mer awer och eng Meenung a virun allem perséinlech Erfarungen. Firwat Catcalling NI e Kompliment ass a weider Diskussioune ginn et vum Catherine, Lynn a Sarah, a villäicht hutt dir jo och nach e puer Äntwerte fir eis, Froe goufe sech op alle Fall genuch gestallt. Ënnert anerem och firwat Keckis esou op Geesse flippen a wat aus dem fäinsten 2000er Trash ginn ass.

Bei all Form vu sexueller Belästegung oder Iwwergrëff rufft bei der Police um 113 oder gitt direkt an den nächste Policebüro.

Schwätzt driwwer a maacht et net mat iech selwer aus! 

Keck geet et och bei eis op Instagram virun!