- den alternative staarken Tubak!

Fir dem Chris an dem Julie hire Podcast braucht dir iech net waarm unzedoen, "schaarfen Ueleg" dreift iech och esou d'Schweesspärelen op d'Stir. Fir all Folleg si mir op der Sich no skurrillen, interessanten an aussergewéinleche Mënschen, déi eppes ze zielen hunn. Mir stellen déi Froen, déi eis op der Zong brennen.

Episod 9 – Joss den Hellen – Attitüüüüüüüd!
(Ufank Oktober 2020)

Nuddele mat Trüffe zerwéiert vum Kim Kardashian, Hunnegdrëpp als Nationalgedrénks an Attitüde – de Jos den Hellen mécht et méiglech! Eigentlech heescht hien Daniel Moutinho an ass Farleerer. Als Stand-Up-Comedian ewéi och mat sengem Alter Ego bréngt hien de Lëtzebuerger hir Mondwénkelen zum Wackelen a suergt fir e bëssen Ofwiesslung am Alldag.

Wéi gesäit d’Comedy-Zeen hei am Land aus, wou si seng Grenzen a wéi geet hie mat Feedback ëm? D’Äntwerten op déi Froen an e puer Raibergeschichte vun der Bün kritt dir an där neier Episod.