Am Kopenhagener Zoo hat een Déier besonnesch wéineg Loscht op d'Ausgangsspär...

Zu Kopenhagen ass den Zoo fir Visiteuren zou, ongewinnt fir d'Déiere mee dem Panda Xin Er koum dat geleeë wéi e keng Loscht méi op säi Käfeg hat. Hien ass nämlech aus ënnert engem elektreschen Zonk duerchgekloter an dunn duerch den Zoo spadséiert, esou ze gesinn op den Iwwerwaachungskameraen.

Nodeems e vun engem Mataarbechter entdeckt gouf, gouf de 7 Joer ale Panda betäubt an zréck a säi Gehege bruecht. Dem Panda ass dobäi keen Hoer gekrëmmt ginn an d'Sécherheet vun der Anlag gouf duerno grëndlech iwwerpréift. De Xin Er a seng Partnerin d'Mao Sun, dat sech net um Ausbroch bedeelegt hat, liewen zanter 14 Méint am Zoo vu Kopenhagen.