An dat ass definitiv méi deier gi wéi d'Protokoller, déi en esou opgereegt hunn...

Zu Kassel an Däitschland war en 20 Joer ale Mann esou rosen iwwert Protokoller, déi en a sengem jonke Liewe scho mol krut, dass e säi Frust un engem Blëtzer ausgelooss huet. Éischtens ass dat souwisou scho mol keng gutt Iddi an zweetens gëtt déi Aktioun nach méi blödsinneg, wann direkt hannert dem Blëtzer e Policeauto steet.

Zu senger Verdeedegung, den Auto war en zivilt Gefier an de Mann hat net domat gerechent, dass e Beamte géif dra sëtzen. Dat ännert awer näischt un der Beweislag an esou ass de rosene Fuerer direkt mat op de Büro geholl ginn.

Elo muss e sech net just wéinst senge Protokoller veräntwerten, ma och wéinst Zerstéierung vu wichtegen Aarbëchstmëttel. Elo gëtt gepréift wéi héicht de Schued um Blëtzer ass, eppes ass awer scho kommunizéiert ginn: E wär esou demoléiert, dass een en de Moment net méi asetze kéint.