E Sonndeg trieden zu Réiser nees Jonk an Al mat hire selwer gebastelte Gefierer géinteneen un.

No villem Schrauwen, Klappen a Baue flitzen e Sonndeg erëm witzeg Gefierer duerch Réiser, well The Open Ends a.s.b.l. invitéiert op déi 3. Editioun vum

Seefekëschterennen!

Den éischten Depart vun den ausgefalenen a selwer gebaute Seefekëschten ass e Sonndeg um 13h00!

An 2 Kategorien gëtt ëm déi éischt Plaz gefuer:

  • KIDS (bis 12 Joer)
  • OPEN (vun 13 Joer un)

Vun 11h00 u grousst Fest mat Iessen, Gedrénks a flotter Animatioun fir Kanner.

Kommt laanscht a feiert mat der ganzer Famill déi sëlleche Chaufferen dëse Sonndeg an der Rue des Sacrifiés un!

(D'Gewënner gi bis e Freideg kontaktéiert)

Dir sidd elo op de Goût vum Seefekëschtefuere komm? Da mellt iech hei nach séier un!

RTL

© http://openends.lu/

Seefekëschterennen - En Event fir déi ganz Famill, dëse Sonndeg zu Réiser an der Rue des Sacrifiés!