D’Gummischlappe mat deenen 3 Sträifen sinn erëm do! Normalerweis verbënnt een se direkt mat Touristen an se schéngen zimlech stiilos ze sinn...
Mee grad elo fënnt een se ëmmer méi op Instagram a Facebook! Déi klassesch Variant vun den Adiletten a schwaarz oder a blo gëtt immens vill vu Blogger a Modele gedroen. Se kommen elo awer och ëmmer méi an neien an opfällege Faarwen op.
Esou och den Haftebefehl 2014 mat senger Chabos-Kollektioun. Hien hat sech als Designer probéiert an hat Plastiksschlappen eraus bruecht op deene grouss „Brudi“ drop steet. Dat sinn déi sou genannte „Brudiletten“ mat deenen en jiddefalls en Hype kreéiert a seng Hafti-Fans zefridde gestallt huet.
Natierlech hunn sech och aner Marken dësen Hype net entgoe gelooss a sinn op deen Zuch mat opgesprongen. An der Fenty Puma Kollektioun vum Rihanna déi dës d’Joer eraus komm ass, fënnt ee rosa a gréng plastiks Schlappen déi mat falschem Pelz iwwerzu sinn.
Op de Catwalks gesäit en d’Adiletten entweder mat héich eropgezunnen Tennisstremp, duerchsiichtegen Nylonstremp oder ebe ganz ouni Strëmp. Dat alles fir ee lässege Look.
Fir d’Fashionmagazin "Elle" sinn d’Adiletten deen absolute Schong-Trend fir de Summer 2017. Lescht Joer gouf dësem Hype schon de Startschoss gesat mat den Adilettë mat Holz-Suel, mee mëttlerweil sinn déi ganz klassesch awer am meeschte gefrot.
Ufanks waren dës Schlappen éischter fir Fussballer a Schwammmeeschtere geduecht, mee 2017 lafe Models, Influencer an nach vill mei Leit mat den Adiletten duerch d’Géigend.
xx, Amy Watson