Halloween steet erëm virun der Dier. Déi eng freeën sech, déi aner si frou wann et erëm eriwwer ass …
Den 31. Oktober ass et esou wäit!
D’Wuert “Halloween” kënnt vun "All Hallow's Eve" wat op lëtzebuergesch “den Owend virun Allerhellgen” heescht. Deemools hunn d’Kelte gegleeft, dass an der Nuecht vum 31. op den 1. déi Doudeg operstinn, an sech déi lieweg an déi doudeg Welt géife vermëschen. Aus Angscht vun den Doudegen erkannt ze ginn, hunn d’Leit dann ugefaangen sech esou grujeleg wéi méiglech ze verkleeden, an dat ass bis haut nach bestoe bliwwen!
Fir déi, déi sech gäre verkleeden, heescht et elo: kreativ ginn!
Falls der nach keng Iddi hutt wéi der iech verkleede sollt, hei meng Top 5 Inspiratiouns-Beispiller.
[block type="attachment" id="139816" __caption=""]
Falls iech heivunner näischt gefall huet, kënnt der iech de Youtube-Channel vum “Madeyewlook” ukucken, do fannt der sécher eppes wat iech gefält.
https://www.youtube.com/channel/UCiXoZHFowJUlDVMuRFAwVAw
Natierlech ginn et beim Verkleeden awer och Grenzen. Beim Autofueren ass et zum Beispill verbuede Masken oder Hitt un ze hunn, well dës engem d’Siicht kënnen huelen. Also besser huet een d’Mask eréischt op der Party unzedoen, oder einfach en Taxi ze huelen. Da kann een och ouni schlecht Gewëssen dat eent oder anert Glas méi drénken!
Wa mer da scho grad beim Thema Grenzen iwwerschreide sinn. Creepy Clownen-Kostümer sinn an der lescht jo zimlech beléift gewiescht. Erënnert der iech nach un de Skandal vun de “d’Killer-Clownen” ?
Grad elo, wou d’Neiverfilmung vum Stephen-King-Filmklassiker “IT” erauskomm ass, kann ee mat enger Partie Clownen op de Stroossen rechnen. 2017 heescht et da wahrscheinlech nees, dass mer eis virun de creepy Killer-Clownen an Uecht huele mussen.
An deene leschte Joren hunn d’Killer-Clownen fir Skandal op de Social Medias gesuergt. Dat Ganzt hat 2014 an den USA ugefaangen an huet sech dunn och schnell an Europa ausgedehnt.
Firwat ass dëse Skandal esou grouss ginn, a firwat hu sech esou vill Leit als Killer-Clown verkleet?
Natierlech ginn et vill Grënn, déi een dozou brénge kënnen sech als Killer-Clown ze verkleeden an seng Matmënschen ze terroriséieren, zum Beispill Langweil, schlechten Humor oder einfach Béisaartegkeet.
MEE: Vill vun de Killer-Clownen sinn amfong Youtuber déi d’Leit erschrecken an hir Reaktioun filme fir se dono online ze setzen. Dës Videoe maachen de Leit natierlech Angscht, well se net wësse wat grad passéiert oder wien déi Persoun hannert der Mask ass. Mee Fazit ass, dass eng gutt Partie vun dëse Clownen Deel vun enger Prank-Zeen sinn an, dass dëse Skandal duerch d'Social Medias esou grouss ginn ass.
Lauschter eran!xx, Amy Watson