Ass dee wierklech esou gutt?

Vergiess Proffee an Dalgona Kaffee, well TikTok huet zënter e puer Wochen een neit Trend-Gedrénks.

Mir stelle vir: de Pink Drink.

-> Et ass ee faarwegen Drink a Barbie-Optik. Dëse soll esou gutt schmaache wéi en optesch ausgesäit, esou heescht et.

Grond genuch fir dat mol ze testen!

Fir d'éischt hëllt een e Glas mat Äiswierfel oder Crushed Ice.

Da gëtt ee gefrueren Hambieren dobäi. Fir den Extra-Twist kann een och wann ee wëll e puer Äerdbiewen oder Molbieren dobäi ginn.

Da fëllt een dräi Véirels vum Glas oder Becher mat kalen Hibiskus-Téi. Dee kann ee fäerdeg kafen oder selwer maachen an auskille loossen.

Da gëtt een nach e bëssen Holunderblütensirop dobäi, duerno e bësse Kokosmëllech.

Da gëtt alles gutt duerchgemixt a getest.

Et voilà, de Pink Drink.

Der Morningshow schmaacht de rosa Drink. En huet eppes Erfrëschendes, kënnt gutt am Summer! Et muss een awer och Fan vu Kokosmëllech sinn. Avis aux amateurs!