Mir hätten do mol e puer Froen...

Et ass eng Zesummenaarbecht tëscht zwou Firmen, un déi een am éischte Moment net sou direkt denkt.

D'High Fashion Mark Balenciaga huet sech mat Crocs zesumme gedoen a si hunn zesumme Schong entworf. Ënner anerem Crocs mat Talong.

Oder déi heiten:

D'Eldo Morningshow freet sech wie sou ee Schong undeet, an huet sech mol ee Puer mat engem Talong gebastelt...

Solle mir dat lo cool a modern fannen oder éischter lächerlech? 

D'Thema Crocs ass allgemeng ëmstridden. Déi eng fannen de Schong super gemittlech a flott, di aner fannen en zwar gemittlech, mee super ellen.

Ma muss ee Schong ëmmer schéi sinn? Geet et net duer, dass e just gemittlech ass? Do ginn d'Meenungen auserneen.

Allgemeng ass d'Fro: wëll een eis mat dësem Design et vläicht méi einfach maachen, elo nom Lockdown weiderhi gemittlech an de Crocs rëm ze lafen - a fir de Schong fir d'Nuetsliewe méi schick ze maachen, een Talong drun ze hänken?

Mir wëssen et net...

Et ass wéi sou dacks eng Affaire de goût!